ዉዳሴ ማርያም ዘሰኑይ

ዉዳሴሃ ለእግዝእትነ ማርያም ድንግል ወላዲተ ኣምላክ ዘይትነበብ በዕለተ ሰኑይ። ፈቀደ እግዚእ ያግዕዞ ለኣዳም ኅዙነ ወትኩዘ ልብ ወያግብኦ ኅበ ዘትካት መንበሩ፡ ሰኣሊ ለነ ቅድስት።

ሠረቀ በሥጋ እምድንግል ዘእንበለ ዘርኣ ብእሲ ወኣድኃነነ።ለሔዋን እንተ ኣስሓተ ከይሲ ፈትሓ ላዕሌሃ እግዚኣብሔር እንዘ ይብል ብዙኃ ኣበዝኆ ለሕማምኪ ወለፃርኪ፡ ሠምረ ልቡ ኃበ ፍቅረ ሰብእ ወኣግዐዛ፡ ሰኣሊ ለነ ቅድስት።

ኢየሱስ ክርስቶስ ቃል ዘተሰብኣ ወኃደረ ላዕሌነ ወርኢነ ስብሓቱሁ ከመ ስብሕተ ኣሕዱ ዋሕድ ለኣቡሁ ሠምረ ይሣሃለነ፡ ሰኣሊ ለነ ቅድስት።

ርእየ ኢሳይያስ ነቢይ በመንፈስ ትንቢት ምሥጢሮ ለኣማኑኤል ወበእንተዝ ጸርሐ እንዘ ይብል ሕፃን ተወልደ ለነ፡ ወልድ ተዉህበ ለነ፡ ሰኣሊ ለን ቅድስት።

ተፈሥሕ ወተኃሠይ ኦ ዘመደ ዕጓለ እምሕያው እሰመ ኣፍቀሮ እግዚኣብሔር ልዓለም፡ ወመጠወ ወልድ ዋሕደ ከመ ይሕየዉ ኩሉ ዘየኣምን ቦቱ እሰከ ለዓለም፡ ፈነወ ለነ መዝራዕቶ ልዑል፡ ሰኣሊ ለነ ቅድስት።

ዘሀሎ ወይሄሉ ዘመጽኣ ወካዕበ ይምጽእ ኢየሱስ ክርስቶስ ቃል ዘተሰብኣ ዘእንበለ ዉላጤ፡ ኮነ ፍጹም ሰብኣ፡ ኢተወልደ ወኢተፈልጠ በኩሉ ግብሩ ወልድ ዋሕድ፡ኣላ ኣሓዱ ራእይ፡ ወኣሐዱ ህላዌ ወኣሐዱ መለኮት ዘእግዚኣብሔር ቃል፡ ሰኣሊ ለነ ቅድስት።

ተፈሥሒ ኦ ቤተ ልሔም ሀገሮሙ ለነብያት እስመ በኃቤኪ ተወልደ ክርስቶስ ዳግማይ ኣዳም ከመ ያግብኦ ለኣዳም ቀዳሚ ብእሲ እምድር ዉስተ ገነት ይሥዐር ፍትሐ ሞት፡ ኦ ኣዳም መሬት ኣንተ ወትገብእ ዉስተ መሬት፡ ኅበ ሀለወት ብዝኅት ኃጢኣት በህየ ትበዝኅ ጸጋ እግዚኣብሔር፡ሰኣሊ ለነ ቅድስት።

ትትፌሣሕ ወትትሓሠይ ኩሉ ነፍስተ ሰብእ፡ ምስለ መላእክት ይሰብሕዎ ለክርስቶስ ንጉስ ይጸርሑ ወይበሉ ስብሓት ለእግዚኣብሔር በሰማያት፡ ወሰላም በምድር ሥምረቱ ለሰብእ፡ እሰመ ሠዐረ ዘትካት ወነሠተ ምክሮ ለጸላኢ፡ ወሠጠጠ መጽሐፈ ዕዳሆሙ ለኣዳም ወለሔዋን፡ ወሰዮሙ ኣግዐዝያነ ዘተወልደ ለነ በሀገረ ዳዊት መድኃኒነ ኢየሱስ ክርስቶስ፡ ሰኣሊ ለነ ቅድስት።

ብርሃን ዘበኣማን ዘያበርህ ለኩሉ ሰብእ ለእለ ይነብሩ ዉስተ ዓለም፡በእንተ ፍቅረ ሰብእ መጸእከ ዉስተ ዓለም ወኩሉ ፍጥረት ተፈሥሐ በምጽኣትከ፡ እስመ ኣድኃንኮ ለኣዳም እምስሕተት፡ ወረሰይካ ለሔዋን ኣግዓዚተ እምፃዕረ ሞት ወወሀብከነ መንፈስ ልደት፡ ባረክናከ ምስለ መላእቲከ፡ ሰኣሊ ለነ

No comments:

Post a Comment